Turizm sohasini rivojlantirish hamda turizm qishloqlarini tashkil etishga qaratilgan vazifalar ijrosini ta’minlash maqsadida Sariosiyo tumanidagi “Nilu” mahallasini turizm qishlog‘iga aylantirish bo‘yicha loyihalar amalga oshirilayotganidan xabaringiz bor. Viloyat hokimi Ulug‘bek Qosimov hududlarga tashrifi doirasida mazkur mahallada Turizm boshqarmasi va tashabbuskorlar tomonidan ishlab chiqilgan loyihalar taqdimoti bilan tanishdi.
Tashrif chog‘ida avvalgi uchrashuvlarda berilgan topshiriqlar ijrosi yuzasidan mas’ullar axboroti tinglandi. Xususan, mahallada mehmon uylarini barpo etish, turizm infratuzilmasini takomillashtirish va sayyohlarni jalb etishga qaratilgan loyihalarni amalga oshirish yuzasidan aniq vazifalar belgilab berildi.
