Angor tumanida bolalarni yozgi ta’til davrida mazmunli dam oldirish va sog‘lomlashtirish maqsadida kunduzgi oromgohlar tashkil etildi. Joriy yilning 2-iyun kunidan boshlab tumandagi 7 ta maktab qoshida tashkil etilgan sog‘lomlashtirish oromgohlari o‘z faoliyatini boshladi.
Bugun ushbu oromgohlarda tantanali ochilish marosimlari bo‘lib o‘tdi. Mazkur sog‘lomlashtirish maydonchalarida 600 nafarga yaqin o‘quvchi dam olmoqda. Oromgohlarda bolalar uchun barcha zarur shart-sharoitlar yaratilgan bo‘lib, ularning mazmunli dam olishi, qobiliyat va iste’dodlarini namoyon etishi uchun turli madaniy-ma’rifiy hamda sport tadbirlari tashkil etilgan.
Mazkur tashabbus bolalarning sog‘lom va faol hayot tarzini shakllantirishda, ularning bo‘sh vaqtlarini samarali tashkil etishda muhim ahamiyat kasb etadi.
