“Yosh bilimdon”lar bellashdi

Jarqo‘rg‘on tumanidagi 11-sonli maktabda marhum fizika fani o‘qituvchisi Abdulla Adinayev xotirasiga bag‘ishlanib, o‘quvchilari o‘rtasida fizika fani bo‘yicha “Yosh bilimdon” fan olimpiadasi o‘tkazildi. Unda viloyatimizning barcha hududlaridan jami 111 nafar o‘quvchi ishtirok etdi.
Olimpiada maktab o‘quvchilari orasidan fizika faniga qiziqqan, bilimli, intiluvchan va ijodkor yoshlarni aniqlash, ularni rag‘batlantirish hamda fan olimpiadalariga tayyorgarliklarini kuchaytirishga yo‘naltirilgan. Yakuniy natijalarga ko‘ra, Denov tumanidagi Al-Farobiy nomidagi fizika, matematika fanlariga ixtisoslashtirilgan maktab o‘quvchisi Durdona Xurramova 1-o‘rinni egalladi.
G‘oliblar pul mukofotlari bilan taqdirlandi.