Hududlarda yashil maydonlarni kengaytirish, ko‘chat yetishtirish imkoniyatlarini oshirish va ko‘kalamzorlashtirish tadbirlarini sifatli tashkil etishda mustahkam ko‘chat bazasiga ega bo‘lish muhim ahamiyatga ega.
Shu maqsadda Surxondaryo viloyatida o‘rmon xo‘jaliklari tomonidan “Yashil makon” umummilliy loyihasi doirasida 8 gektar maydonda ko‘chat yetishtirish plantatsiyasi barpo etilmoqda.
Loyiha doirasida ko‘chatlarni parvarishlash va yetishtirishga mo‘ljallangan zamonaviy issiqxona ham tashkil etiladi. Viloyat hokimi Ulug‘bek Qosimov ushbu ekologik loyiha bilan tanishib, qurilish ishlariga tamal toshi qo‘ydi.
Mazkur loyiha amalga oshirilishi kelgusida hududni ko‘kalamzorlashtirish uchun zarur ko‘chatlar yetishtirish imkoniyatlarini kengaytirishga xizmat qiladi.

