Chora-tadbirlar munosib chora bo‘lmoqda

O‘zini band qilmagan, bekorchi odamda ham ehtiyoj bor. Ba’zilar shunday paytda ish izlash, qandaydir tashabbus ko‘rsatish o‘rniga pul topishning oson va qing‘ir yo‘llarini qidiradi. Natijada, huquqbuzarlik, jinoyat sodir etiladi. Har qanday huquqbuzarlikka esa jazo muqarrar. Qonunlarimiz va siyosatimizda mahbuslarning jazoni o‘tashlarida tuzalish yo‘liga kirishlari, hayotlarini izga solishlari uchun tizimli chora-tadbirlar qo‘llanilayotir.
Ayni maqsadlarni ko‘zlagan holda Uzun tumani IIB JXX Probatsiya hisobida jazo o‘tayotgan 35 nafar yosh tumandagi Monomarkazda kasb-hunarga o‘qitilmoqda. Bundan ko‘zlangan asosiy maqsad, ularni qayta jinoyat sodir etmaslikka undash hamda jamiyatda o‘z o‘rnini topishga yordam berishdir.
Kasb-hunar o‘rgatish orqali, yoshlar nafaqat yangi ko‘nikmalarni egallashadi, balki kelajakda o‘zining moddiy va ma’naviy holatini yaxshilash imkoniyatiga ega bo‘lishadi.