Bugun amakim o‘g‘lini uylantirdi. Hamma xursand. Men ham. Eng ohorli kiyimlarimni kiydim. Sochlarim falon so‘mga turmaklangan. Egnimda ham uncha-muncha qizlar kiymagan oqshom libosi. Har-har zamonda oyog‘imdagi qimmat tuflimga qarab havolanib qo‘yaman. Bu davrada eng go‘zali o‘zim! Eng sara kiyimlarni kiygan malak!..
Stol ostiga razm solar ekanman, e-eski oyoq kiyimiga ko‘zim tushdi. Qiziq, kimniki ekan? To‘yga ham shunaqa tufli kiyadimi?
Tavba! Egasi …onam ekan. Uyalib ketdim… Onamning tuflisidan emas, o‘zimdan…
Dilobar
