Hayot — bu turli sinovlar va imkoniyatlarga to‘la daryoga o‘xshaydi. Unda har xil oqimlar, to‘siqlar va manzaralar uchraydi. Ushbu daryodan o‘tishda bizni qo‘llab-quvvatlaydigan eng muhim narsa — bu ijobiy fikrlash va hayotga optimistik nuqtai nazardan qarash qobiliyatidir.
Ijobiy fikrlashning foydalari beqiyosdir. Ijobiy fikrlash stressni kamaytiradi, kayfiyatni ko‘taradi va depressiya xavfini kamaytiradi. Tadqiqotlar shuni ko‘rsatadiki, optimistlar immuniteti kuchliroq bo‘ladi va ular uzoq umr ko‘rishadi. Ijobiy fikrlaydigan odamlar atrofidagilar bilan yaxshi munosabatlar o‘rnatadilar, chunki ular doimo energiya va xursandchilik ulashadilar.
Optimistlar o‘z maqsadlariga erishish uchun ko‘proq harakat qiladilar va ular muvaffaqiyatga erishish ehtimoli yuqori bo‘ladi. Ijobiy fikrlash orqali biz har bir daqiqadan zavqlanishni o‘rganamiz, kichik narsalarga ham e’tibor qaratamiz va har bir kunni minnatdorchilik bilan qarshi olamiz.
Ba’zida qiyinchiliklar bizni umidsizlikka tushirishi mumkin. Ammo, aynan shu paytlarda ijobiy fikrlash bizga yordamga keladi. O‘zimizga “Men buni uddalay olaman”, “Bu sinovdan ham o‘tib ketaman” degan so‘zlarni takrorlash, o‘zimizga ishonchni qaytarish va oldinga intilishga yordam beradi. Ijobiy fikrlash va hayotga optimistik nuqtai nazardan qarash — bu bizning hayotimizni yanada go‘zal va mazmunli qiladigan kuchli quroldir. O‘zimizda ushbu qobiliyatni rivojlantirish orqali biz nafaqat o‘z hayotimizni o‘zgartiramiz, balki atrofdagilarga ham yaxshi ta’sir ko‘rsatamiz. Unutmang, har doim umid bor, har doim yaxshi narsalarga intilish mumkin. Hayotga ijobiy ko‘z bilan boqing, shunda u sizga o‘zining eng go‘zal ranglarini ko‘rsatadi!
Zarina ERKINOVA,
Termiz iqtisodiyot va servis universtiteti talabasi
