Maktabgacha ta’lim tizimi — bolalarning o‘qish, rivojlanish va tarbiya jarayonining muhim bosqichidir. Ushbu jarayonni samarali tashkil etish va boshqarish uchun pedagoglarning metodik mahorati, ya’ni o‘qitish uslublari, metodlari va pedagogik yondoshuvlarning to‘g‘ri tanlanishi muhim ahamiyatga ega. Shuning uchun maktabgacha ta’lim tashkilotlarida metodik mahorat soati o‘quv jarayonining sifatini yaxshilashda muhim rol o‘ynaydi.
Metodik mahorat tadbirlarini oʻtkazish maktabgacha taʼlim tashkilotlari pedagog xodimlarining kasbiy rivojlanishi uzluksizligini taʼminlaydi. Bu taʼlim-tarbiya jarayonlarining sifati va samaradorligi oshiriladi. Termiz shahridagi 12-sonli davlat maktabgacha ta’lim tashkilotida ham metodik mahorat soatlari o‘tkazilib, ko‘pgina tarbiyachi-pedagoglar o‘z faoliyatlarida AKTdan foydalanib, turli didaktik ta’limiy o‘yinlar orqali tarbiyalanuvchilarining bilimlarini yanada mustahkamlashga erishmoqdalar.
Ushbu soatlar davomida tarbiyachi-pedagoglar o‘z malakalarini oshirib, zamonaviy pedagogik texnologiyalar, ta’lim metodikalari va innovatsion yondoshuvlar bilan tanishadilar. Bu nafaqat tarbiyachilarning professionallik darajasini oshiradi, balki tarbiyalanuvchilarga ta’lim berishda yanada samarali natijalarni qo‘lga kiritish imkonini beradi.
Lola XOLDOROVA,
Termiz shahridagi 12-DMTT tarbiyachisi
