Agentlik direktori Surxondaryoda

Ayni damda Prezident huzuridagi Ijtimoiy himoya milliy agentligi direktori Mansurbek Olloyorov Surxondaryo viloyatiga tashrifini davom ettirmoqda. Kuni kecha, Jarqo‘rg‘on tumanida viloyatda faoliyat yuritayotgan ijtimoiy xodimlar bilan samimiy suhbat o‘tkazdi. Tizimda bo‘layotgan o‘zgarishlar, ijtimoiy xizmatlarni manzilli tashkil etish, fuqarolar bilan individual ishlash, oilalarni kambag‘allikdan chiqarishda aniq rejalar asosida ish olib borishga qaratilgan ushbu uchrashuv o‘zgacha fayzli o‘tdi. Ijtimoiy xodimlar ham ijobiy keyslari, sohada bo‘layotgan muammolar bilan bo‘lishishdi. Mansurbek Olloyorov ijtimoiy xodimlarning malakasini doimiy oshirib borish, ular bilan yelkama-yelka ishlash, har bir oilaga kompleks yondoshishida ko‘maklashish borasida “Inson” ijtimoiy xizmatlar markazlari direktorlariga hamda boshqarma mas’ullarga topshiriqlar berdi. Bir so‘z bilan aytganda, ushbu uchrashuv samimiy hamda o‘zaro savol-javoblarga boy bo‘ldi.