Barchamizga yaxshi ayonki, 16-noyabr — Xalqaro bag‘rikenglik kuni. Shu munosabat bilan yurtimizda ayni sanaga bag‘ishlab, 11-16-noyabr kunlari “Bag‘rikenglik haftaligi” o‘tkazilmoqda. Bag‘rikenglik haftasi dasturi doirasida 2-sonli umumta’lim maktabida “O‘zbekiston – bag‘rikeng diyor” nomli ma’naviy-ma’rifiy tadbir tashkil etildi.
Tadbirni o‘tkazishdan asosiy maqsad yurtimizda diniy erkinlik va millatlararo munosabatlarning barqarorligini keng jamoatchilikka yana bir bor namoyish etishdan iboratdir.
Tadbirda so‘z olganlar bugungi kunda mamlakatimizda 130 dan ortiq millat va elat vakillari bir oila farzandlaridek ahil va inoq yashayotganliklarini ta’kidlashdi. Qolaversa, 16 ta diniy konfessiyalar o‘z faoliyatini erkin amalga oshirayotganlari, ular O‘zbekiston ravnaqi yo‘lida birlashib, barcha soha va tarmoqlarda fidokorona mehnat qilib kelishayotgani e’tirof etildi.
Sana munosabati bilan turli millat va elat vakillari tuman hokimligining tashakkurnomalari bilan taqdirlandilar.
