Ko‘chalar obod bo‘lsa…

Tozalik, saranjomlik bor joyda qut-baraka, fayz bo‘ladi. Shu sababdan ham xalqimiz o‘zi yashaydigan xonadonini, mahalla, ko‘cha-ko‘yni toza-ozoda, sarishta saqlashga odatlanishgan. Shu bilan birga, turli daraxt va gul ko‘chatlari ekib, tevarak-atrofni ko‘kalamzorlashtirishni odatiy hol deb bilishadi.
Termiz shahri, “Bog‘ishamol” mahallasidagi ichki ko‘chada ham tashlab ketilgan har xil maishiy chiqindilar obodlik posbonlari tomonidan tozalab olindi. Albatta, atrofimizda bo‘layotgan obodonchilik, bunyodkorlik ishlariga befarq bo‘lmasligimiz, o‘zgalarning mehnatini qadrlashimiz zarur. Ana shundagina ko‘chalarimiz chiqindilardan holi, ekologiyamiz musaffo bo‘ladi.