Denov tadbirkorlik va pedagogika instituti umumiy kimyo va kimyoviy texnologiya kafedrasi professor-o‘qituvchilari va talabalari Afg‘oniston fuqarolarini o‘qitish ta’lim markaziga tashrif buyurishdi. Mehmonlar tashrif davomida markazda yaratilgan shart-sharoitlar bilan yaqindan tanishishdi.
Markaz ma’muriyati va tinglovchilari bilan suhbatda bo‘lib ikki ta’lim muassasasi o‘rtasidagi do‘stlik aloqalarini mustahkamlash va birgalikda ta’lim, sport musobaqalarini va “Zakovat” intellektual o‘yinlarini tashkil etishni rejalashtirib olishdi.
Talabalarning keyingi manzili Al Hakim at-Termiziy ziyoratgohi hamda Arxeologiya muzeylarida bo‘lib, u yerdagi tarixiy obidalar bilan tanishib o‘zlarining qiziqtirgan savollariga javob olish bilan birga bir olam taassurotlar bilan qaytishdi.
D.Mahmudova
