Buyuk bobomizga ehtirom

Ajdodlarimizning ilm-fanga qo‘shgan hissasi nihoyatda katta. Shu sabab ularni butun dunyo ahli borki, o‘qib o‘rganadi. O‘z navbatida, ularga hurmat bajo keltiradi. Ajdodlrimiz tomonidan yozib qoldirilgan ulkan ma’naviy xazina hali-hamon o‘z qimmatini yo‘qotmagan. Ana shunday bobolarimizdan, buyuk mutafakkir Alisher Navoiy tomonidan yozib qoldirilgan asarlarning ahamiyati hozir ham yuqori. Hali ham ushbu asarlarga murojaat etiladi. Ko‘plab ilmiy izlanish, tadqiqotlarning debochasi bo‘lib kelmoqda.
Hozirgacha Tokio, Seul, Shanxay, Vashington, Moskva, Minsk, Ostona, Boku, Ashxobod, Dushanbe, O‘sh kabi shaharlarda Navoiy bobomizning byustlari o‘rnatilganidan ham allomaga ko‘rsatilgan buyuk ehtiromni sezish mumkin. Shu jumladan, Vengriyada ham Alisher Navoiyga bag‘ishlab byust o‘rnatildi. Lakitelek shahrida o‘rnatilgan byust vengriyalik haykaltarosh Dyordji Lantos tomonidan yaratilgan.