— Aziz aka, oyijonga “plitka” olmadik-ku?
— Boraqol, tez olib kel. Kelinchak qaynonasi yaxshi ko‘radigan sutli shokolad olib kelganda hisobchi ularning narsalarini endigina savatdan peshtaxtaga olayotgandi…
Kechki taomdan so‘ng:
— Oyi, bu sizga, — dedi Aziz shokoladni uzatib. Dilsora o‘g‘lining qo‘lidan shirinlikni olib, ochdiyu, shundoq qog‘ozning o‘zida bo‘laklarga bo‘ldi. Endi bir bo‘lagini og‘ziga solgandi, nevarasi mo‘raladi
— Kel, kel, oh beraman! O‘g‘lining ortidan kirgan Nozik havotirlandi “tomog‘i og‘rib qolmasa bo‘ldi”, ammo gapini sirtiga chiqarmadi. O‘g‘li ham buvisi uzatgan shirinlikni oldi-yu, yugurib borib, onasining og‘ziga soldi.
— Ko‘rdingizmi, — dedi qaynonasi, — bu qaytar dunyo, o‘g‘lim menga ilindi, nevaram sizga — o‘z onasiga!
Har ishdan hikmat izlaydigan qaynonasi Nozikka tarbiyadan yana go‘zal bir misol keltirgan edi.
Aslida, izlagan odam har qadamdan yaxshilik topa oladi, bu bo‘layotgan voqea-hodisalarga qaysi ko‘z bilan qarashingizga bog‘liq.
F.Salxodjayeva
