Tadbirkorlar bilan yoshlar uchrashdi…

Inson hayotda yashar ekan, bir olam orzu havaslar bilan oldiga maqsad qo‘yib yashaydi. Kimdir o‘z orzu-istaklariga ilm orqali erishsa, yana kimdir kasb-hunari orqali yetishadi. Ilm – ma’rifat va kasb-hunar har bir davrda kishilik jamiyati taraqqiyoti uchun muhim omil bo‘lib kelgan.
Bir yigitga qirq hunar oz deganlaridek, hunari bor inson hayotda kam bo‘lmaydi. Shunday ekan, hunar o‘rganish istagi bor yoshlar uchun yurtimizda barcha shart-sharoitlar va imkoniyatlar mujassam. Jumladan, Termiz tumani Ichki ishlar bo‘limi Probatsiya guruhi tashabbusi bilan yoshlar uchun tumanda samarali faoliyat yuritayotgan tadbirkorlar bilan uchrashuvlar tashkil etib kelinmoqda.
Xususan, navbatdagi uchrashuv tumanning “Gulbahor” mahallasida alyumin profillaridan eshik va deraza romlari tayyorlash faoliyati bilan shug‘ullanuvchi “Yevrookon” oilaviy korxonasi rahbari Namoz Aralov bilan o‘tkazildi. Uchrashuvda yoshlarga tadbirkorlikni qo‘lga qo‘yish, o‘zini o‘zi band qilish hamda hunar o‘rganish sirlari bo‘yicha tushuntirishlar berildi. Tadbirkor o‘z faoliyati misolida yoshlarga kerakli tavsiyalarini berdi.
Shuningdek, tadbirda Probatsiya guruhi ro‘yxatida turgan yoshlar ishtirok etishdi.
D.Qo‘zimurotova