Davlatimiz rahbarining tashabbusiga ko‘ra, yurtimizda ijtimoiy himoyaga muhtoj bo‘lgan oilalarning holidan xabar olinib, ularning shart-sharoitlari bilan yaqindan tanishish, qo‘llab-quvatlash ishlari tizimli amalga oshirilmoqda. Bunday saxovatli g‘amxo‘rlikdan aholi bugunidan minnatdor, ertangi kuniga esa ishonch bilan boqayotir.
Jumladan, Angor tumani hokimi Qosim Mardonov hamda tegishli tashkilot rahbarlari “Navro‘z” mahalla fuqarolar yig‘inida bo‘lib, ijtimoiy himoyaga muhtoj oilalarning yashash sharoiti, muammolari hamda takliflarini o‘rgandi.
Mahallada 5024 nafar aholi istiqomat qiladi. Hududda 1396 ta oila mavjud. O‘rganish jarayonida mahalladagi 20 ta ijtimoiy himoyaga muhtoj oilalardagi aniqlangan muammolarni bartaraf etish bo‘yicha aniq chora-tadbirlar rejasi belgilab olindi.
Dinara Mahmudova
