Malayziyaning Kuala-Lumpur shahrida Osiyo islom turizmi va savdo ko‘rgazmasi (AITEX 2024) o‘z ishini boshladi. Unda viloyat hokimining o‘rinbosari J.To‘rayev, Imom Termiziy xalqaro ilmiy-tadqiqot markazi direktori M.Joniyev, “Hisor” davlat o‘rmon xo‘jaligi T.Mirzayevdan iborat Surxondaryo viloyati delegatsiyasi ham ishtirok etdi.
Xalqaro ko‘rgazmada namoyish etilayotgan O‘zbekiston milliy stendi orqali Surxondaryo viloyatining turizm salohiyati, xorijiy sayyohlarga yaratilgan qulay imkoniyatlar ham targ‘ib etilmoqda. Delegatsiyamiz a’zolari Kuala-Lumpurda Malayziya sayyohlik markazi direktori Siti nur Bayzura binti Moxtar xonim, Malayziya Islom tadqiqotlari markazi rahbari doktor Mohd Hilmi Bin Ramli bilan uchrashuvlar o‘tkazdi.
Uchrashuvlarda turizm sohasida o‘zaro hamkorlik, Termiziylar ilmiy merosi va qo‘lyozmalarni o‘rganish bo‘yicha birgalikda tadqiqotlar olib borishga kelishib olindi.
Osiyo mintaqasining 50 ga yaqin mamlakatlari vakillari ishtirok etayotgan ko‘rgazma 25 avgustga qadar davom etadi.
Delegatsiyamiz Osiyo islom turizmi va savdo ko‘rgazmasida
Date:
Tavsiya qilamizRelated
O‘z vazifasiga tiklandi
Oltinsoy tumanida yashovchi Nizomiddin Payziyev ish beruvchining noqonuniy harakatlaridan...
Qatʼiyat va chidamlilikni mustahkamlaydi
Bugungi kunda jamiyat taraqqiyoti va insonlar farovonligi, eng avvalo,...
Instagramda yangi cheklov
Instagram 18 yoshgacha bo‘lgan foydalanuvchilar uchun “13+” maxsus cheklov...
Yer oila aʼzolari nomiga oʻtkaziladi
O‘zbekiston qonunchiligi yangi qadam tashlab, fermerlarga ijara asosidagi qishloq...
