“Inson” insonga ko‘makchi

Sho‘rchi tumanidagi “Ko‘klam” mahallasining ijtimoiy xodimi uyma-uy yurib, xatlov o‘tkazish jarayonida Natalya Kovalyovaning yolg‘iz yashayotganligini aniqlab, yolg‘iz keksa reyestriga kiritish uchun ariza topshirgan edi. O‘zgalar parvarishiga muhtoj shaxslarning yashash sharoitlari va muhtojlik darajasini baholash bo‘yicha tuzilgan ishchi guruh mas’ullari tomonidan “Bartel va Louton” shkalasi asosida baholanib, Natalya Kovalyova “Yolg‘iz keksa” reyestriga kiritildi.
Fuqaroning yashash sharoitlari o‘rganilib, keys menejmant asosida, bir qator ijtimoiy xizmat va yordamlar ko‘rsatilmoqda. Qulog‘i og‘irlashib qolganligi sababli Natalya Kovalyova tibbiy ko‘rikdan o‘tkazilib, qulog‘i audiogramma qilingach, quloq apparati berildi. Bu bilan kifoyalanmay, tuman “Inson” ijtimoiy xizmatlar markazi mas’ullari N.Kovalyovaning xonadonini to‘liq ta’mirlab berishda ham amaliy yordam ko‘rsatishdi.