Inson qadri uchun…

Haqiqatan ham yurtimizda inson qadri ulug‘. Ayniqsa, ijtimoiy himoyaga muxtoj, yolg‘iz, yakka insonlar mehr, e’tibor va g‘amxo‘rlik ostida. Buni hududlarda faoliyati yo‘lga qo‘yilgan “Inson” ijtimoiy xizmatlar markazi tomonidan ko‘rsatilayotgan ishlar misolida ko‘rish, amin bo‘lish mumkin.
Denov tumani “Inson” ijtimoiy xizmati markazi direktori Erkin Jumayev tomonidan “Tasmasoy”, “Jamatak”, “Shamoli”, “Namozgoh” mahallalarida boquvchisini yo‘qotgan va yakka yolg‘iz hamda nogironligi bo‘lgan surunkali kasalligi bor fuqarolar bilan sayyor qabul o‘tkazildi. Sayyor qabul jarayonida 61 nafar fuqaro murojaati qabul qilindi. Shundan 31 ta murojaat joyida hal etildi. Qolgan murojaatlarga huquqiy tushunchalar berildi.