Hokim yordamchisining ko‘magi bilan

Sho‘rchi tumanidagi “Do‘stlik” mahallasida yashovchi Xolmirza Qosimov tomorqasining 4,5 sotixiga tashkil qilingan issiqxonasiga karam ko‘chatlarini ekkan. Ushbu mahallaning har ikki xonadonning birida ana shunday issiqxona bor. Bu mahalla ahlining asl daromadi ekin-tikindan ekanidan dalolat. Shu bilan birga chorvachilik, hunarmandchilik bilan o‘zlarini band etishgan. Mana shunday tadbirli mahalla ahli hokim yordamchisining ko‘magi bilan subsidiya yoki imtiyozli kredit olib, o‘z ishlarini yo‘lga qo‘yishgan.
Mahallada hunarmadchilik bilan shug‘ullanayotgan tadbirkor Sherzod Choriyev faoliyatini kengaytirish maqsadida 100 milion so‘m kredit olib, 3 ta yangi ish o‘rni tashkil qildi. Albatta, yangilikka intilish, oilalar farovonligini ta’minlash, yoshlarning kasbu hunar egallashi yo‘lida tinim bilmay izlanayotgan mas’ullar harakati tahsinga sazovor.