Fikrlar kurashdi…

“Munozara” — fikrlar kurashidir. Tanganing-da ikki tomoni bo‘lgani kabi, albatta, har qanday fikr va qarashning ijobiy va salbiy tomonlari bo‘ladi. Shunday ekan, qaror qabul qilishda, “Yetti o‘lchab, bir kesgan ma’qul”. Boshqa tomondan munozara yoshlarni fikrlashga, munosabatini erkin bildirishga xizmat qiladi.
Yangi Oʻzbekiston yoshlarining savodxonligini oshirish, kitob mutolaasiga bo‘lgan qiziqishlarini qo‘llab-quvvatlash maqsadida, “Yangi O‘zbekiston yoshlari, birlashaylik!” shiori ostida boshlangan festival doirasida “Munozara” intellektual o‘yini bo‘lib o‘tdi.
Munozaralar davomida ishtirokchilar o‘zlarining shaxsiy mulohazakorligini, tezkor fikrlashni, har jihatdan o‘ylab, mushohada qilishlarini namoyon etdilar. Bunda, albatta, ularning kitobxonligi, o‘qish va uqishning foydasini yana bir bor namoyon etdilar.