Obodonlashtirish xodimlari rag‘batlantirildi

Muborak ayyom arafasida qalbida ezgulik qilishni tukkan insonlar borki, atrofdagilarga, nochor-u yo‘qsillarga yaxshilik qilishga, sovg‘a-salom, oziq-ovqat yoki boshqa narsalar bilan shod etishga kirishgan. Hayit bayrami oldi Bandixon tuman hokimi Abdumalik Allamuradov va sektor rahbarlari tashabbusi bilan g‘alla rejasini ortig‘i bilan bajargan sahovatpesha fermer xo‘jaliklari yetishtirgan g‘alla hosilidan tuman Obodonlashtirish bo‘limining 97 nafar xodimiga bug‘doy topshirish tadbiri amalga oshirildi.
Albatta, bunday ehtirom va kutilmagan tuhfadan obodonlashtirish xodimlarining quvonchi cheksiz. O‘z ishlariga bundan keyin ham vijdonan yondashib, vohamizni, ko‘chalarni obod go‘shaga, gul-u bo‘stonga aylantirishga va’da berishdi.