Reja bajarildi…

Yaqindagina pilla mvsumi boshlangan edi, buni qarangki tinib-tinchimas pillakorlar qisqa muddatda o‘zlariga berilgan pilla qurtlarini munosib parvarishlab, mahsuloti tosh bosadigan “kumush tola” yetishtirishga muvaffaq bo‘ldilar. Surxon vohasining mirishkor pillakorlari 35 ming 547 quti ipak qurtidan 2 ming 286 tonnadan ortiq hosil yig‘ib olib, respublikada birinchilar qatorida shartnoma rejasini ortig‘i bilan bajarishdi.
Pillakorlarning sa’y-harakati va mashaqqatli mehnati natijasida har bir qutidan o‘rtacha 60 kilogramm hosil olinishiga erishildi. Bunda yangi, serhosil, voha iqlim sharoitiga mos bo‘lgan mahalliy navlarning parvarishlangani, shuningdek, pilla qurti boqishda yangi texnologiyalar ham o‘z samarasini berdi.
Hozirda viloyatdagi qabul punktlariga pilla hosilini topshirish jarayonlari davom etmoqda.