Oromgohlar xizmatga shay

Yozgi sog‘lomlashtirish oromgohlari bugungi kunda bolalarni qabul qilishga shay holatda. Sport o‘yinlari-yu mashg‘ulotlari deysizmi, madaniy xordiq chiqarish, cho‘milish xavzalarimi, barchasi puxta ishlab chiqilgan dastur asosida kun tartibiga kiritilgan. Ha aytgancha, ovqatlanish menyusi ham sog‘lom turmush tarziga amal qilgan holda tuzilgan.
Ana shunday qizg‘in muhit, yaratilgan shart-sharoitlar bilan tanishish maqsadida Surxondaryo viloyati hokimi Ulug‘bek Qosimov boshchiligidagi sektor rahbarlari hamda mutasaddilar Sherobod tumanidagi “Beshbuloq” va “Neftchi” bolalar oromgohlarida bo‘ldilar. U yerlardagi yozgi dam oldirish va sog‘lomlashtirish mavsumiga ko‘rilgan tayyorgarlik holati o‘rganildi.
Viloyat rahbari tuman mutasaddilari va mas’ullarga yoz davomida bolalarni oromgohga qabul qilish ishlarini tizimli va sifatli tashkil etish, har bir navbatda bolalarning maroqli dam olishi uchun barcha zarur chora-tadbirlarni amalga oshirish vazifalarini topshirdi.