“IBRAT farzandlari” loyihasi tashkilotchilari Surxondaryoda

Til o‘rganishning eng qulay va samarali tizimi yaratilgani til o‘rganuvchi yoshlarning ham vaqtini, ham naqdini tejashga, qolaversa, xorijiy tillardan birini o‘rganishga xizmat qilayotir. Ana shunday loyiha deya “Ibrat farzandlari”ni aytishimiz mumkin. Qisqa fursatlarda ushbu loyihaning o‘z o‘quvchilari soni minglab yig‘ildi va loyihadan ko‘zlangan maqsad o‘zini oqladi.
Rus, ingliz, turk tili o‘qituvchilarining onlayn saboqlari orqali juda yaxshi taniymiz. Ayni ularning Surxondaryoga tashrifi ko‘plab yoshlarni quvontirgani rost. Yoshlar markazi binosida “IBRAT farzandlari” maktabi ochilish marosimi oldidan loyiha rahbari hamda xalqaro toifadagi rus va turk tili o‘qituvchilari bilan uchrashuv tashkil etildi.
Shundan so‘ng, navbat “IBRAT farzandlari” maktabi ochilishiga berildi. Loyiha Yoshlar markazi binosida “IBRAT farzandlari” loyihasi rahbari Rustam Qoriyev, xalqaro toifadagi rus va turk tili o‘qituvchilari, viloyatda tashkil etilgan xorijiy tillarga mo‘ljallangan 20dan ortiq o‘quv markazlar murabbiy va o‘quvchilari hamda voha yoshlar ishtirokida tashkil etildi. Aytish kerakki, ushbu maktabda til o‘rganish istagida bo‘lgan barcha fuqarolar qatnashi mumkin. Darslar esa mutlaqo bepul.