Surxondaryo viloyati Maktabgacha va maktab ta’limi boshqarmasida “9-dekabr – Xalqaro korrupsiyaga qarshi kurashish kuni” munosabati bilan “Ta’lim tizimida korrupsiyaviy harakatlar va ularning oldini olish bo‘yicha amalga oshirilayotgan ishlar” mavzusida tadbir o‘tkazildi. Unda viloyat Maktabgacha va maktab ta’limi boshqarmasi boshlig‘i X.Mamadiyev, tegishli tashkilot va idoralar xodimlari hamda mas’ullari ishtirok etdi.
Tadbirda asosan tizimda korrupsiyaga barham berish bo‘yicha amalga oshirilayotgan ishlar yuzasidan ma’lumot berildi. Qolaversa, kelgusida olib borilishi lozim bo‘lgan sa’y-harakatlar yuzasidan fikr-mulohaza almashildi. Jamiyat taraqqiyotiga bolta urguvchi illat sanalgan korrupsiyaga qarshi qat’iy kurashish bo‘yicha aniq chora-tadbirlar belgilandi.
