Sportda nafaqat kuchlar sinaladi, g‘urur, sha’n ham himoya qilinadi. Samarqand shahrida kikboksing sport turi bo‘yicha erkaklar va ayollar o‘rtasida tashkil etilgan O‘zbekiston chempionatida ham ana shunday maqsadlar ila kuchlar sinovdan o‘tkazildi. Musobaqada Surxondaryo sharafini himoya qilib angorlik sportchilar ham o‘z vazn toifalari bo‘yicha ishtirok etdilar.
Aytish kerakki, ishtirokchilar o‘z sport turning ustalari, epchil, abjir va kuchli. Shunga monand kurash qizg‘in va ayovsiz kechdi. Natijalar esa maqtangulik.
Vohadoshimiz Javohir Karimov 16-18 yoshlar o‘rtasida 69 kg vazn bo‘yicha Layt-kontakt yo‘nalishida 1-o‘rinni qo‘ldan boy bermagan bo‘lsa, Asadbek Qurbonov ham bo‘sh kelmay mardlar maydonida 3-o‘rin bilan uyga qaytdi.
H. Baxtiyorova
