Super-kontrakt: qoidalarni bilasizmi?

Bir necha yilki, o‘qishga kiritib qo‘yishni va’da qilguvchi firibgarlarning bozori yurishmay qoldi. Sababi “super kontrakt”da o‘qish imkoniyati paydo bo‘ldi-da. O‘tgan yillardagidek, joriy o‘quv yilida ham bu imkon bor. Xo‘sh, super-kontraktda o‘qimoqchi bo‘lgan talabalar nimalarni bilishi kerak?
Aytish kerakki, tabaqalashtirilgan kontrakt to‘lovi abituriyentga qancha ball yetmay qolganiga bog‘liq.
1 ballgacha yetmaganlar bazaviy to‘lov-kontraktining 1,5 barobarini;
1,1 balldan 2 ballgacha yetmaganlar 2 barobarini;
2,1 balldan 3 ballgacha yetmaganlar 2,5 barobarini;
3,1 balldan 4 ballgacha yetmaganlar esa 3 barobarini to‘laydi.
4,05 ballgacha yetmagan, lekin 56,7 balldan ko‘p to‘plagan abiturientlar uchun super-kontrakt miqdorlari bazaviy kontrakt miqdoriga qarab belgilanadi. Bu narx ham yo‘nalishlarga qarab farqlanadi. O‘tgan yili eng qimmat narxlardan biri yurisprudentsiyada — kontraktning 25 barobari bo‘lgan bo‘lsa, pedagogikada esa 8 barobar qilib belgilangan.