1v1.lol slope unblocked io games

“Shuhrat” medali sohibi Alisher Qurbonov tumandoshlari huzurida

Date:

Boylik mehnatning ortidan kelsa, boshlangan ish yanada gurkiraydi, yangidan-yangi loyiha va g‘oyalarga debocha bo‘ladi. Muzrabotlik tadbirkor — “Amirqul bobo” fermer xo‘jaligi rahbari Alisher Qurbonov ham nimaga erishgan bo‘lsa, zahmatli mehnatlari ortidan erishdi. Buning mukofoti esa uning ko‘ksiga “Shuhrat” medali bo‘lib taqildi. Ha, Prezidentimiz Farmoniga ko‘ra, tadbirkorlar kuni munosabati bilan mamlakatimiz taraqqiyotiga munosib hissa qo‘shib kelayotgan soha vakillaridan bir guruhi mukofotlanganda, ularning orasida Alisher Qurbonovning borligi muzrabotliklarni ham quvontirdi.


Sababi tadbirkor samimiy va dilkash inson. Topganini xalq bilan baham ko‘radigan, mahalladoshlari koriga yarab, homiylik qilishdan to‘xtamaydigan saxovatpesha tadbirkor. Shuning uchun ham Alisher Qurbonovni muzrabotliklar yaxshi taniydi, ortidan yaxshi fikrlar bilan alqaydi. Insonga xalq ixlosini qozonishdan ortiq boylik bormikan aslida.


Surxondaryo viloyati hokimi Ulug‘bek Qosimov tashabbusi bilan viloyatimiz bo‘ylab faoliyat yuritayotgan ana shunday faol tadbirkorlar va aholi o‘rtasida uchrashuvlar tashkil etilayotir. Shu maqsadda Muzrabot tumanidagi At-Termiziy mahallasida “Shuhrat” medali sohibi Alisher Qurbonov bilan uchrashuv tashkil etildi. Uchrashuv davomida tadbirkorning ish faoliyati bilan tanishildi.

O‘z navbatida bu tadbirkorlikka qiziquvchi fuqarolarning yangi ko‘nikmalar hosil qilishlarida mahorat maktabi vazifasini o‘tagan bo‘lsa, ajab emas.
Tadbirda uzoq yillar mobaynida faoliyat yuritgan, bugungi kunda nuroniylik gashtini surayotgan mehnat faxriylari so‘zga chiqib, tadbirkorlikni yo‘lga qo‘yishda o‘tgan davrdagi qiyinchiliklar va bugungi kundagi qulayliklar haqida so‘z yuritgan bo‘lsa, o‘z faoliyatini boshlamoqchi bo‘lgan yoshlar o‘zlarini qiziqtirgan savollarga javob olishdi.


Qiziqarli tarzda o‘tgan tadbirkor bilan uchrashuvdan so‘ng, Alisher Qurbonov tomonidan olib borilayotgan tadbirkorlik faoliyati bilan yaqindan tanishildi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Soha faoliyati sarhisob qilindi

Termiz shahridagi Matbuot uyi binosida Surxondaryo viloyati, IIB Migratsiya...

Muddatidan oldin talaba bo‘ldi

Bungungi kunda yoshlar oliygoh talabasi bo‘lishga, jamiyatda o‘z o‘rnini...

Gʻalaba ishonch bagʻishlaydi

G‘oyalar, loyihalar amaliyotga tadbiq etilar ekan, ilmda, fanda, texnologiyada...

Davlat xizmatlari endi mahallalarda

Davlat xizmatlaridan foydalanish uchun markazga borishimiz vaqtimizni tejab, ortiqcha...
KunTun
KunTun