Davlat bayrog‘i — xalqning milliy g‘ururi, mustaqilligi va birdamligini ifoda etuvchi muqaddas ramz. Uni e’zozlash, unda mujassam qadriyatlarni anglash, ayniqsa, Vatan himoyachilari uchun yuksak mas’uliyatdir.

O‘zbekiston Respublikasi Davlat bayrog‘i qabul qilinganining 35 yilligi munosabati bilan Termiz garnizonida joylashgan harbiy qismlardan birida “Bir Vatan, bir el, bir bayroq!” shiori ostida vatanparvarlik tadbiri hamda “O‘zbekiston armiyasi: kecha va bugun” mavzusida shukronalik tadbiri o‘tkazildi.
Tadbirda Termiz harbiy prokurori, adliya podpolkovnigi Sh.V. Vahobov ishtirok etdi. Unda davlat ramzlariga hurmat, Vatanga sadoqat, harbiy burch va milliy armiyamiz bosib o‘tgan taraqqiyot yo‘li haqida so‘z yuritildi.
Sardor Bebetov,
Termiz harbiy prokurori yordamchisi, adliya katta leytenanti

