Surxondaryo viloyati hokimi Ulug‘bek Qosimovning Qumqo‘rg‘on tumaniga tashrifi davomida Beshqahramon hududidagi “Fayzi Mamatmurodov” fermer xo‘jaligining paxta dalasida bo‘lib, yig‘im-terim jarayonlari bilan tanishdi.
Dalada paxta hosilini yig‘ib-terib olish ishlari, terimchilar uchun yaratilgan sharoitlar hamda mavsumni uyushqoqlik bilan tashkil etish masalalariga e’tibor qaratildi.
Shuningdek, terimchilar bilan suhbatlashilib, mavsum boshidan buyon paxta yig‘im-terimida faol qatnashib, yuqori natijalarga erishayotgan bir guruh terimchilarning mehnati e’tirof etildi. Ularga esdalik sovg‘alari topshirildi.
Tashrif davomida paxta yig‘im-terimini samarali tashkil etish, tumanning boshqa hududlarida ham terimchilar uchun zarur sharoitlarni yaratish hamda mavsumni belgilangan vazifalar asosida yakunlash yuzasidan mas’ullarga tegishli vazifalar belgilandi.
