Surxondaryo viloyati hokimi Ulug‘bek Qosimov Termiz davlat muhandislik va agrotexnologiyalar universitetida iqtidorli talabalar bilan uchrashib, ularning ilmiy-innovatsion loyihalari va startaplari bilan tanishdi.
Talabalar tomonidan ishlab chiqilayotgan yangi g‘oyalar, amalga oshirilayotgan loyihalar va ularning amaliy ahamiyati yuzasidan fikr almashildi.
Shuningdek, viloyat hokimi yoshlar bilan muloqot o‘tkazdi. Unda viloyatning barcha tumanlaridan yoshlar Zoom platformasi orqali qatnashib, o‘z tashabbuslari va yangi loyihalari haqida fikr bildirdi.
Muloqotda yoshlarning g‘oyalarini qo‘llab-quvvatlash, istiqbolli loyihalarni amalga oshirishga ko‘maklashish hamda tashabbuslarni amaliy natijaga aylantirish masalalariga e’tibor qaratildi.
