Yangi o‘quv yili arafasida o‘quvchilarning xavfsizligini ta’minlash va ta’lim muassasalari atrofida yo‘l-transport hodisalarining oldini olish bo‘yicha hududlarda amaliy ishlar olib borilmoqda. Qumqo‘rg‘on tumanida ham maktab va boshqa ta’lim muassasalari oldidagi yo‘llarda piyodalar xavfsizligini ta’minlashga qaratilgan ishlar amalga oshirilmoqda.
Xususan, tuman avtoyo‘l bo‘limi xodimlari tomonidan ta’lim muassasalariga kirish-chiqish yo‘nalishlaridagi piyodalar yo‘lakchalari qayta chizilmoqda, yo‘l belgilari yangilanmoqda. Mazkur ishlar o‘quvchilar, ota-onalar va pedagoglarning yo‘lni xavfsiz kesib o‘tishini ta’minlash hamda yangi 2026–2027-o‘quv yilini xavfsiz boshlashga xizmat qiladi.
