Surxondaryoda kuzatilayotgan jazirama issiq sabab avtomobil yo‘llari qoplamasini asrash bo‘yicha vaqtinchalik choralar ko‘rilmoqda.
Havo harorati 42–44 darajagacha ko‘tarilayotgan sharoitda asfalt qoplamasi kuchli qizib, og‘ir yuk avtomobillari bosimi ta’sirida deformatsiyalanishi mumkin. Shu bois Termiz shahri, tuman markazlari hamda ularni bog‘lovchi umumiy foydalanishdagi yo‘llarda og‘ir yuk mashinalari harakati har kuni soat 10:00 dan 19:00 gacha vaqtincha cheklanadi.
Mazkur tartib yo‘llarning xizmat muddatini uzaytirish, qoplamalarni saqlash va kelgusida ta’mirlash xarajatlarini kamaytirishga qaratilgan.
Haydovchilar hamda yuk tashuvchi tashkilotlardan belgilangan vaqt talablariga rioya qilishlari va tashuvlarni ushbu tartib asosida rejalashtirishlari so‘raladi.
