Jarqo‘rg‘on tumanidagi “Yangi usul” mahallasida aholi faolligi yana bir bor amaliy natijaga aylandi. “Tashabbusli budjet” loyihasida ketma-ket ikkinchi marotaba g‘olib bo‘lgan mahallada navbatdagi infratuzilma loyihasi amalga oshirilmoqda.
Loyiha doirasida 4 kilometr ichki yo‘l zamonaviy asfalt qoplamasi bilan ta’mirlanmoqda. Yangilanayotgan yo‘llar aholining kundalik harakatlanishini yengillashtirib, mahalla obodligi va qulayligini oshirishga xizmat qiladi.
Bu natija faqat qurilish ishlari emas, balki mahalla ahlining bir maqsad yo‘lida birlashgani, o‘z hududi kelajagiga befarq emasligining yorqin ko‘rinishidir. “Tashabbusli budjet” orqali fuqarolar tanlagan tashabbuslar bosqichma-bosqich real o‘zgarishlarga aylanmoqda.
