Uzun tumanidagi Muhammadali Muhammadiyev uchun tonglar bedanalar sayrashi bilan boshlanadi. “Do‘stlik” mahallasida yashovchi nuroniy xonadonida 5 ming donadan ortiq Manjuriya zotli bedana parvarishlab, o‘ziga xos oilaviy tadbirkorlik yo‘lga qo‘ygan.
Bugungi kunda uning xo‘jaligidan har kuni 4 mingdan ortiq tuxum olinib, xaridorlarga yetkazib berilmoqda. Shuningdek, parhezbop bedana go‘shti ham iste’molchilarga taklif etilmoqda.
Muhammadali akaning tajribasi shuni ko‘rsatmoqdaki, katta imkoniyatlar doimo yirik ishlab chiqarish maydonlaridagina emas, balki mehnat, tajriba va to‘g‘ri yondashuv uyg‘unlashgan xonadonlarda ham yaratilishi mumkin.
