Anomal issiq havo sharoitida yashil hududlarni saqlash va daraxtlarni parvarishlash ekologik barqarorlikni ta’minlashning muhim omiliga aylanmoqda. Shu maqsadda Sherobod tumanida “Yashil makon” umummilliy loyihasi doirasida ekilgan daraxtlarni asrash bo‘yicha tizimli ishlar amalga oshirilmoqda.
Hududlarda daraxtlarni belgilangan tartibda muntazam sug‘orish, ularning atrofini parvarishlash va yashil maydonlarni saqlashga qaratilgan tadbirlar izchil olib borilmoqda. Mazkur ishlar jazirama issiq ta’sirida daraxtlarning qurib qolishining oldini olish, ko‘chatlarning sog‘lom o‘sishini ta’minlash hamda tumandagi yashil hududlarni asrab-avaylashga xizmat qilmoqda.
