Yosh sportchilarning xalqaro maydonlardagi muvaffaqiyatlari yurtimiz sporti salohiyati tobora yuksalib borayotganidan dalolat bermoqda. Indoneziyada o‘tayotgan U-23 Osiyo chempionatida Sho‘rchi tumani vakili Sevinch Xurramova navbatdagi yorqin g‘alabasi bilan e’tibor qozondi.
65 kilogramm vazn toifasidagi yarim final jangida Sho‘rchi tumani 1-son sport maktabi tarbiyalanuvchisi Sevinch Xurramova mezbon sportchi Mariya Meisitani har uch raundda ham mutlaq ustunlik bilan mag‘lub etib, 5:0 hisobida ishonchli g‘alabaga erishdi.
Ushbu muvaffaqiyat evaziga Sevinch Xurramova U-23 Osiyo chempionatining final yo‘llanmasini qo‘lga kiritdi. Bu natija nafaqat yosh bokschining mahorati, balki mamlakatimizda sportni rivojlantirish va iste’dodli yoshlarni qo‘llab-quvvatlash borasidagi sa’y-harakatlarning yana bir amaliy ifodasi bo‘ldi.
