Mahallalar infratuzilmasini rivojlantirish va aholi uchun qulay yashash sharoitlarini yaratish bugungi islohotlarning muhim yo‘nalishlaridan biridir. Shu maqsadda Termiz tumanida ichki yo‘llarni ta’mirlash va shag‘allash ishlarini samarali tashkil etishga qaratilgan amaliy tadbirlar boshlandi.
Termiz tumani hokimi – fuqaro muhofazasi boshlig‘i Shuxrat Qalandarov rahbarligida mahallalardagi ichki tuproq yo‘llarni shag‘allash va ta’mirlash bo‘yicha maxsus taktik o‘quv mashqiga start berildi. Unda tuman prokurori Yodgor Bozorov, ichki ishlar, favqulodda vaziyatlar bo‘limlari hamda tegishli tashkilot va muassasalar rahbarlari ishtirok etdi.
O‘quv mashqi doirasida mahallalardagi ichki yo‘llarni shag‘allash va yo‘l infratuzilmasini yaxshilash ishlari muvofiqlashtirilgan holda amalga oshiriladi. Bu esa aholining xavfsiz va qulay harakatlanishini ta’minlash, mahallalar infratuzilmasini yanada yaxshilashga xizmat qiladi.
