Aholini sifatli va uzluksiz ichimlik suvi bilan ta’minlash hududlar infratuzilmasini rivojlantirish hamda fuqarolar turmush farovonligini oshirishning muhim omillaridan biridir. Shu maqsadda Angor tumanida ichimlik suvi tarmoqlarini qurish va rekonstruksiya qilish ishlari izchil davom ettirilmoqda.
Prezidentning tegishli qarori ijrosi doirasida Gilambob, Xomkon va Yuqori Tallashqon mahallalarida zamonaviy ichimlik suvi tarmoqlari barpo etilib, aholini markazlashgan ichimlik suvi bilan uzluksiz ta’minlash uchun zarur infratuzilma yaratilmoqda.
Amalga oshirilayotgan bunyodkorlik ishlari ichimlik suvi ta’minoti sifatini yaxshilash, qulay yashash sharoitlarini yaratish hamda hudud aholisi farovonligini yanada yuksaltirishga xizmat qiladi.
