Termiz shahrida “Yoshlar — giyohvandlikka qarshimiz” ko‘rik-tanlovining respublika final bosqichi bo‘lib o‘tdi. Unda yoshlar insho, rasm, videorolik va sahna ko‘rinishlari orqali giyohvandlikning salbiy oqibatlarini yoritib, sog‘lom turmush tarzini targ‘ib qildilar.
Tanlov davomida ishtirokchilarning huquqiy bilimi, ijodiy yondashuvi va ijtimoiy mas’uliyati xolis baholanib, eng munosib ishlarga yuqori baho berildi.
Mazkur tanlov yoshlarni zararli illatlarga qarshi murosasiz ruhda tarbiyalash, sog‘lom turmush tarzini ommalashtirish va giyohvandlik profilaktikasini kuchaytirishda muhim ahamiyat kasb etdi.
