Surxondaryo viloyati hokimi Ulug‘bek Qosimov Germaniyaning yetakchi logistika kompaniyasi — “Rhenus Logistics” delegatsiyasi bilan transport-logistika sohasida hamkorlik istiqbollarini muhokama qildi.
Muloqotda viloyatning tranzit va eksport salohiyatidan samarali foydalanish, zamonaviy logistika xizmatlarini yo‘lga qo‘yish hamda xalqaro transport yo‘laklariga integratsiyani kuchaytirish masalalariga alohida e’tibor qaratildi. Shuningdek, kompaniya vakillari hududning logistika infratuzilmasi va investitsion imkoniyatlari bilan tanishdi.
Mazkur uchrashuv Surxondaryoning xalqaro logistika tarmog‘idagi o‘rnini mustahkamlash, eksport hajmini oshirish va yangi investitsiyalarni jalb etish yo‘lidagi muhim qadam sifatida baholanmoqda.
