Tizimda ochiqlik va shaffoflik

Kadastr agentligi Surxondaryo viloyati boshqarmasida OAV vakillari va blogerlar ishtirokida ochiq muloqot tashkil etildi. Tadbirga Kadastr agentligi matbuot kotibi Ne’matjon Atamuratov rahbarlik qildi.
Muloqotda 2026-yil davomida sohada amalga oshirilgan ishlar, yer nazorati, xatlov jarayonlari, ko‘chmas mulkni davlat ro‘yxatidan o‘tkazish hamda murojaatlar bilan ishlash tizimidagi yangiliklar yuzasidan batafsil ma’lumot berildi.
Ochiq va samimiy ruhda o‘tgan uchrashuvda jurnalist va blogerlarning savollariga mutasaddilar tomonidan javoblar berilib, sohada shaffoflikni ta’minlash va axborot almashinuvini kuchaytirish masalalari muhokama qilindi. Mutaxassislar bunday muloqotlar jamoatchilikni islohotlardan xabardor qilishda muhim ahamiyat kasb etishini ta’kidladi.