Sariosiyo tumanining “Lutfkor” mahallasida joylashgan Yangi O‘zbekiston massivida 514 xonadonga mo‘ljallangan ko‘p qavatli uy-joylar qurilishi boshlandi. Loyiha doirasida 9 ta 5 qavatli va 3 ta 9 qavatli zamonaviy turar-joy binolari barpo etiladi.
Qurilish ishlarining boshlanishiga bag‘ishlangan tadbirda tuman hokimi, quruvchilar, nuroniylar va jamoatchilik vakillari ishtirok etib, yangi uy-joylar uchun tamal toshi qo‘yildi.
Mazkur loyiha aholini zamonaviy va qulay uy-joylar bilan ta’minlash, hudud infratuzilmasini rivojlantirish hamda yangi O‘zbekiston bunyodkorlik siyosatini amalda ro‘yobga chiqarish yo‘lidagi muhim qadamlardan biri bo‘lib xizmat qiladi.
