Bandixon tumanidagi “Kelajak” markazida faoliyat yuritayotgan “Kelajak Camp” yozgi sog‘lomlashtirish oromgohi o‘quvchi-yoshlarning ta’til davrini mazmunli va samarali o‘tkazishiga xizmat qilmoqda.
Oromgohda robototexnika, dasturlash, sport, rassomchilik, raqs hamda boshqa yo‘nalishlardagi to‘garaklar tashkil etilib, bolalarning qiziqishlari va iste’dodlarini rivojlantirishga alohida e’tibor qaratilmoqda.
Mazkur tashabbus yoshlarning bo‘sh vaqtini samarali tashkil etish, ularni zamonaviy kasblarga yo‘naltirish va sog‘lom turmush tarzini shakllantirishda muhim ahamiyat kasb etmoqda.
