Qat’iy choralar ko‘rildi

Surxondaryo viloyatida sud qarorlariga asosan egasiz deb topilgan kontrafakt va noqonuniy mahsulotlar belgilangan tartibda yo‘q qilindi.
Jumladan, umumiy qiymati qariyb 180 million so‘mlik tamaki mahsulotlari, dori vositalari, alkogol mahsulotlari, parfyumeriya vositalari hamda boshqa turdagi mahsulotlar sud qarorlari asosida muomaladan chiqarildi va yoqib yuborish orqali yo‘q qilindi.
Mazkur tadbir bojxona organlari, Majburiy ijro byurosi, adliya organlari hamda boshqa mas’ul tashkilotlar hamkorligida amalga oshirildi. Bu kabi choralar iste’molchilar salomatligini himoya qilish, noqonuniy savdo va kontrafakt mahsulotlar tarqalishining oldini olish hamda bozorda qonuniy raqobat muhitini ta’minlashda muhim ahamiyat kasb etadi.