Ishlar jadallashmoqda

Surxondaryo viloyati hokimi Ulug‘bek Qosimov Muzrabot tumanida joylashgan Oks Aleksandriya (Kampirtepa) arxeologiya yodgorligida bo‘lib, hududda olib borilayotgan qurilish, restavratsiya va obodonlashtirish ishlari bilan tanishdi.
Mazkur tarixiy maskanni turizm markaziga aylantirish maqsadida amalga oshirilayotgan loyihalar doirasida zamonaviy infratuzilma va me’moriy yechimlarni joriy etish masalalari muhokama qilindi.
Viloyat hokimi mas’ullarga ishlar sifatini oshirish, belgilangan muddatlarga qat’iy rioya etish hamda sayyohlar uchun qulay sharoitlar yaratish bo‘yicha tegishli topshiriqlar berdi. Ta’kidlanishicha, Kampirtepa kabi noyob yodgorliklarni asrab-avaylash va ularni xalqaro turizm yo‘nalishiga integratsiya qilish dolzarb vazifalardan biridir.