Tayyorgarligi diagnostika orqali baholanadi

O‘zbekistonda pedagogika yo‘nalishida tahsil olayotgan 3-bosqich talabalari har yili tashqi diagnostika testidan o‘tkaziladi. 50 ta savoldan iborat test uchun 45 daqiqa vaqt ajratilib, maksimal natija 100 ballni tashkil etadi.
Mazkur diagnostika talabalarning reytingiga ta’sir ko‘rsatmaydi. Uning asosiy maqsadi bo‘lajak pedagoglarning bilim darajasini tahlil qilish hamda pedagog kadrlar tayyorlash sifati va samaradorligini baholashdan iborat.
Natijalarga ko‘ra, 56 va undan yuqori ball to‘plagan yo‘nalishlar belgilangan talablarga javob beruvchi deb e’tirof etiladi. Bu tizim ta’lim sifatini oshirish va raqobatbardosh pedagog kadrlarni tayyorlashda muhim ahamiyat kasb etadi.