Ekologik madaniyat amalda

Har qanday targ‘ibotning samarasi, avvalo, uni olib borayotganlarning o‘z namunasi bilan boshlanadi. Shu ma’noda 10-iyun kuni mamlakatimiz bo‘ylab o‘tkazilgan “Avtomobilsiz kun” ekologik aksiyasi ham muhim amaliy ahamiyat kasb etdi.
“Toza havo” umummilliy loyihasi doirasida tashkil etilgan mazkur tashabbus atmosferaga chiqarilayotgan zararli chiqindilarni kamaytirish, ekologik barqarorlikni ta’minlash hamda aholining sog‘lig‘ini asrashga xizmat qildi.
Aksiya doirasida Surxondaryo viloyati Ekologiya va iqlim o‘zgarishi bosh boshqarmasi xodimlari ham faol ishtirok etib, ishga piyoda kelish orqali ekologiyani asrashga o‘z hissalarini qo‘shdilar. Bu kabi tashabbuslar ekologik madaniyatni yuksaltirish va jamiyatda sog‘lom turmush tarzini targ‘ib etishda muhim ahamiyatga ega.