Termiz davlat universitetining kimyo fakultetida tahsil olayotgan 430 nafar talaba o‘quv jarayoni va amaliyot integratsiyasini yanada takomillashtirish maqsadida amaliyot rahbarlari hamrohligida tanishuv va ishlab chiqarish amaliyotlariga kuzatildi.
Talabalar amaliyot davomida Toshkent shahri va viloyati, Samarqand hamda Qashqadaryo viloyatlaridagi zamonaviy ishlab chiqarish korxonalari, nufuzli ilmiy markazlar va oliy ta’lim muassasalarida bo‘lib, nazariy bilimlarini amaliy tajriba bilan mustahkamlash imkoniyatiga ega bo‘ladilar.
Mazkur amaliyotlar bo‘lajak mutaxassislarning kasbiy bilim va ko‘nikmalarini rivojlantirish, ishlab chiqarish jarayonlari bilan yaqindan tanishish hamda kelgusidagi mehnat faoliyatiga puxta tayyorgarlik ko‘rishlariga xizmat qiladi.
Termiz davlat universitetida ta’lim va ishlab chiqarish integratsiyasini kuchaytirish, amaliyotga yo‘naltirilgan ta’limni rivojlantirish hamda malakali kadrlar tayyorlash borasidagi ishlar izchil davom ettirilmoqda.
